കോണ്‍ക്രീറ്റ് വീടുണ്ടെങ്കില്‍ അതിലൂടെ നിങ്ങള്‍ക്കും ഒരു മികച്ച കര്‍ഷകനാകാമെന്ന് തെളിയിക്കുകയാണ് കോഴിക്കോട് ചെറുവണ്ണൂരിലെ ചന്ദ്രന്‍ ചാലിയകത്ത്.
സ്ഥലമില്ലാത്തത് കാരണം ഇനിയാരും കൃഷി ചെയ്യില്ലയെന്ന് പറയരുത്.
കോണ്‍ക്രീറ്റ് വീടുണ്ടെങ്കില്‍ അതിലൂടെ നിങ്ങള്‍ക്കും ഒരു മികച്ച
കര്‍ഷകനാകാമെന്ന് തെളിയിക്കുകയാണ് കോഴിക്കോട് ചെറുവണ്ണൂരിലെ ചന്ദ്രന്‍
ചാലിയകത്ത്. വീടിന്റെ മട്ടുപ്പാവില്‍ എല്ലാ തരം കൃഷിയും ചെയ്ത് മികച്ച
വിളവ് സ്വന്തമാക്കാനാകുമെന്ന് ഇതിനകം ചന്ദ്രന്‍ തെളിയിച്ചു
കഴിഞ്ഞിട്ടുണ്ട്. കോഴിക്കോട് റഹ്മാന്‍ ബസാറില്‍ സീക്കോ മെറ്റല്‍
ഇന്‍ഡസ്ട്രീസ് നടത്തി വരുന്ന ഇദ്ദേഹം പത്ത് വര്‍ഷം മുന്‍പാണ് മട്ടുപാവ്
കൃഷി ആരംഭിക്കുന്നത്. ചാക്കില്‍ പച്ചക്കറിക്കൃഷി നടത്തിയായിരുന്നു
തുടക്കം. പിന്നീട് വലിയ കന്നാസുകള്‍ സംഘടിപ്പിച്ച് രണ്ടായി മുറിച്ച്
നടീല്‍മിശ്രിതം നിറച്ച് ജൈവ രീതിയില്‍ കൃഷി ചെയ്യാന്‍ തുടങ്ങി. വീടിന്റെ
മുകളിലെ 82 സ്‌ക്വയര്‍ മീറ്റര്‍ സ്ഥലത്തായി 150 കന്നാസുകളിലായാണ്
ഇദ്ദേഹത്തിന്റെ കാര്‍ഷിക വിപ്ലവം.
സവാള മുതല്‍ നെല്ല് വരെ
തക്കാളി, വെണ്ട, വഴുതന, കാരറ്റ്, ചീര, പച്ചമുളക്, ഇഞ്ചി, കറിവേപ്പില, കുറ്റി കുരുമുളക് തുടങ്ങിയവക്കൊപ്പം സവാള, ലറ്റൂസ്, ബ്രക്കോളി, കാബേജ്, കോളിഫ്‌ളവര്‍ എന്നിവയും ഇദ്ദേഹം കൃഷി ചെയ്ത് നേട്ടം ഉണ്ടാക്കി ശ്രദ്ധേയനായി. മട്ടുപ്പാവില്‍ നെല്‍കൃഷി നടത്തിയും ഇദ്ദേഹം മികവ് കൊയ്‌തെടുത്തു. ഏറെ ആരും കൃഷി ചെയ്യാത്ത വെളുത്ത ഉള്ളിയും കൃഷി ചെയ്തും ചന്ദ്രന്‍ പലര്‍ക്കും മാതൃകയായി. കോളിഫ്‌ളവറും കാബേജും വിളവെടുപ്പ് കഴിഞ്ഞ് വച്ചാല്‍ മുള പൊട്ടി വീണ്ടും നടാമെന്ന് ഇദ്ദേഹം നിരീക്ഷണത്തിലൂടെ കണ്ടെത്തി. ഇതിന്ന് ഏറെ കര്‍ഷകര്‍ പ്രയോജനപ്പെടുത്തുന്നത് ചന്ദ്രന്റെ അറിവില്‍ നിന്നാണ്. തക്കാളിയുടെ തണ്ട് രണ്ടാഴ്ച വെള്ളത്തിലിട്ടാല്‍ മുളവരുമെന്നും ഇത് നട്ട് മാതൃവൃക്ഷത്തിന്റെ അതേ ഫലം കിട്ടിയതായും ചന്ദ്രന്‍ സാക്ഷ്യപ്പെടുത്തുന്നു. വഴുതനയില്‍ ഉള്‍പ്പെടെ ബെഡിങ് നടത്തിയും ഇദ്ദേഹം നല്ല കായ്ഫലം ഉണ്ടാക്കി.
.png)
മണ്ണ് മാറ്റാത്ത കൃഷി രീതി
മണ്ണ് മാറ്റാതെ ഗ്രോ ബാഗിലും കന്നാസിലും മികച്ച വിളവ് നേടാമെന്ന് തെളിയിച്ച കര്‍ഷകനാണ് ചന്ദ്രന്‍ ചാലിയകത്ത്. അടിവളമായി ചാണകമിട്ടാണ് ഇദ്ദേഹത്തിന്റെ കൃഷി. കടലപിണ്ണാക്ക്, വേപ്പിന്‍ പിണ്ണാക്ക്, പച്ചച്ചാണക ലായിനി എന്നിവയാണ് കൃഷിക്ക് വളമായി നല്‍കുക. ഒരു വര്‍ഷമായി കൃഷി നനയ്ക്കാനായി ഡ്രിപ് ഇറിഗേഷന്‍ ഇദ്ദേഹം സ്ഥാപിച്ചിട്ടുണ്ട്. കൃഷി വകുപ്പിന്റെ സഹായത്തോടെയാണ് ഡ്രിപ് ഇറിഗേഷന്‍ നടപ്പാക്കിയത്. ദിവസവും വൈകുന്നേരം ഒരു മണിക്കൂര്‍ സമയം കൃഷി പരിപാലനത്തിനായി മാറ്റി വയ്ക്കുമെന്ന് ചന്ദ്രന്‍ പറഞ്ഞു. ഭാര്യ രജിതയും മക്കളായ ഹഷ്‌നയും ഹഷിനും എല്ലാ പിന്തുണയുമായി കൂടെയുണ്ട്. വീട്ടിലെ ആവശ്യത്തിന് ശേഷം വരുന്ന പച്ചക്കറികള്‍ പുറത്തുള്ളവര്‍ക്ക് നല്‍കും.
അറിവുകള്‍ കൈമാറി
പുതു തലമുറയ്ക്ക് കൃഷിയോട് താത്പര്യം വര്‍ധിപ്പിക്കാനായി ചന്ദ്രന്റെ നേതൃത്വത്തില്‍ സ്‌കൂളുകളില്‍ കൃഷി തോട്ടങ്ങള്‍ ഒരുക്കാറുണ്ട്. സ്‌കൂള്‍, കോളേജ്, റെസിഡന്റ്‌സ് അസോസിയേഷനുകള്‍ എന്നിവര്‍ക്കായി കാര്‍ഷിക അറിവുകള്‍ പകര്‍ന്ന് നല്‍കാനായി ക്ലാസ് നല്‍കാറുമുണ്ട്. കാര്‍ഷിക രംഗത്തെ മികവിന് അംഗീകാരമായി ചന്ദ്രനെ തേടി നിരവധി പുരസ്‌ക്കാരങ്ങളുമെത്തിയിട്ടുണ്ട്. സംസ്ഥാന സര്‍ക്കാറിന്റെ കിസാന്‍ കൃഷി ദീപം അവാര്‍ഡ്, ഫെയ്‌സ്ബുക്ക് കൂട്ടായ്മയായ കൃഷി ഭൂമിയുടെ ജൈവകര്‍ഷക അവാര്‍ഡ്, ചെറുകിട വ്യവസായ അസോസിയേഷന്‍ അവാര്‍ഡ് , പ്രകൃതിസംരക്ഷണ സമിതിയുടെ 2017 ലെ മികച്ച ജൈവകര്‍ഷകന്‍, സരോജിനി ദാമോദരന്‍ ഫൗണ്ടേഷന്‍ പുരസ്‌ക്കാരം തുടങ്ങിയ അംഗീകാരങ്ങള്‍ നേടിയ ചന്ദ്രന്‍ കൃഷി വകുപ്പിന്റെ ഓണത്തിന് ഒരു മുറം പച്ചക്കറി പദ്ധതിയിലും നേട്ടം സ്വന്തമാക്കിയിട്ടുണ്ട്. കുറഞ്ഞ സമയം കൃഷിക്കായി മാറ്റി വെയ്ക്കാനായാല്‍ എല്ലാവര്‍ക്ക് വീട്ടിലേക്ക് ആവശ്യമായ വിഷ രഹിത പച്ചക്കറികള്‍ നിഷ്പ്രയാസം ഉണ്ടാക്കി ഭക്ഷിക്കാനാകുമെന്ന് ചന്ദ്രന്‍ ചാലിയകത്ത് പറയുന്നു. ഇതിലൂടെ രോഗാതുരത ഇല്ലാത്ത തലമുറയെയും സൃഷ്ടിക്കാനാകും.
.jpg){kind=tracking}
സ്ഥലപരിമിതികള്‍ മറികടന്നു മട്ടുപ്പാവില്‍ കൃഷി ചെയ്തു വിജയം കൊയ്ത ധാരാളം പേരുണ്ട്. ഗ്രോബാഗിലും പ്ലാസ്റ്റിക് ബക്കറ്റുകളിലുമൊക്കെ മല്ലിയില മുതല്‍ പ്ലാവും മാവും വരെ കൃഷി ചെയ്യുന്നവര്‍. എന്നാല്‍ മട്ടുപ്പാവ്…
By നൗഫിയ സുലൈമാന്‍
കേരളത്തിന്റെ നെല്ലറയാണ് പാലക്കാട്. ജില്ലയിലെ വിശാലമായ നെല്‍പ്പാടങ്ങള്‍ കേരളത്തിന്റെ തനതു കാഴ്ച. പച്ചയണിഞ്ഞ നെല്‍പ്പാടം കാണാന്‍ സഞ്ചാരികളുടെ ഒഴുക്കാണ് പാലക്കാട്ടേക്ക്, കൊല്ലംങ്കോട് ഇതിന് ഉദാഹരണമാണ്. വ്യത്യസ്തമായൊരു…
By പി.കെ. നിമേഷ്
രണ്ട് സെന്റില്‍ ഒരു കൊച്ചു വീട്... എന്നാല്‍ ആ വീടിന്റെ ഗോവണിയിലും ചുറ്റുമതിലിലും എന്തിനേറെ ഇത്തിരപ്പോന്ന സിമന്റ് തേച്ച മുറ്റത്തുമെല്ലാം വമ്പന്‍ കൃഷിയാണ്. എറണാകുളം നഗരത്തിലെ തിരക്കേറിയ ഇടങ്ങളിലൊന്നായ തൃക്കാക്കരയിലാണ്…
By നൗഫിയ സുലൈമാന്‍
വ്യത്യസ്ത രീതിയില്‍ കൃഷി ചെയ്ത് മികച്ച വിളവ് സ്വന്തമാക്കുന്ന നിരവധി കര്‍ഷകര്‍ നമുക്കിടയിലുണ്ട്. ഇവരിലൊരാളാണ് കോട്ടയം കുറിച്ചിയിലെ ജോസുകുട്ടി ജോര്‍ജ് കാഞ്ഞിരത്തുംമൂട്ടില്‍. കക്കിരി, പയര്‍, കൈപ്പ തുടങ്ങിയ…
By Harithakeralam
ഏറെ രുചികരവും പോഷക സമ്പുഷ്ടവുമാണ് കൂണ്‍. പണ്ടൊക്കെ സ്വാഭാവികമായി തന്നെ പറമ്പില്‍ കൂണ്‍ ഉണ്ടാകുമായിരുന്നു. എന്നാല്‍ മണ്ണ് മലിനമായതോടെ കൂണ്‍ പൊടിയല്‍ അപൂര്‍വ സംഭവമായി മാറി. കൂണ്‍ കൃഷി ചെയ്ത് ഉത്പാദിപ്പിക്കുന്നവ…
By Harithakeralam
ഭൂമിയിലെ സ്വര്‍ഗം എന്ന് കശ്മീരിനെ വിളിച്ചത് മുന്‍ പ്രധാനമന്ത്രി ജവഹര്‍ലാല്‍ നെഹ്‌റുവാണ്. എന്നാല്‍ അശാന്തിയുടെ താഴ്‌വരയായിരുന്നു കശ്മീര്‍ കുറച്ചു മുമ്പ് വരെ... കാലം മാറിയതോടെ ഇവിടെ നിന്നും വരുന്ന വാര്‍ത്തകള്‍ക്കിപ്പോള്‍…
By Harithakeralam
ജോലിക്കും പഠനത്തിനുമായി വിദേശത്തേക്ക് കുടിയേറാനാണ് കേരളത്തിന്റെ യുവത്വമിന്നു കൊതിക്കുന്നത്. നഴ്‌സിങ് മേഖലയിലുള്ളവരാണ് ഇതിന്റെ തുടക്കം കുറിച്ചത്. എന്നാല്‍ കൃഷി ചെയ്യാനായി ഗള്‍ഫിലെ നഴ്‌സിങ് ജോലി ഉപേക്ഷിച്ച…
By നൗഫിയ സുലൈമാന്‍
കഠിനാധ്വാനത്തിലൂടെ പൂങ്കാവനമൊരുക്കിയെടുത്ത വീട്ടമ്മയാണ് എം. ശ്രീവിദ്യ. കാസര്‍കോഡ് ജില്ലയില്‍ ബേദഡുക്ക പഞ്ചായത്തില്‍ കൊളത്തൂരാണ് ഈ യുവ കര്‍ഷകയുടെ കൃഷിത്തോട്ടം. പച്ചക്കറികളും ഫലവര്‍ഗങ്ങളും മീനും കോഴിയും…
By പി.കെ. നിമേഷ്
© All rights reserved | Powered by Otwo Designs
Leave a comment